Weil´s vorigs Johr is so guat gongen,
Wer i wieda so onfongen,
In Mundort schreiben en Konzlabrief,
Weil do jo nix mehr gehen werd schief.
Es geht beim Schreiben nämlich schneller,
Und obendrein siehgt man kan Fehler.

Drum fong i on damit hiatz glei,
Und griaß Enk narrisch mit Helei.
Weil es schon wieda is so weit,
Mir hom die fünfte Johreszeit.
Und so is deholb a wohl g´wiß,
Doss durt a Jeda narrisch is.
Und zählt sich Ana nit zu die Norren,
Der soll woonders hin donn fohr´n.

In die Händ mia wieda fest hom g´spuckt,
In de Zeitungen und Nochrichten a geguckt,
Und so hom mir viel Matrial,
Üba die Welt und a die Stodt Spittal.
Viel wurde gmachelt und a g´strichen,
Weil so monche Forb vablichn.

Aniges wor a zen Kitten,
Weil übas Johr es fest hot g´litten,
Und vom Umareißen von de Tocker,
Wor a so monche Schraufen locker.
Und im Stodtsool sehgts Ihr donn lahnen,
Zwa bitta fesche neie Fahnen.

Mir hom a wieda neue Akteure,
Leichte und a a poor schwere,
De sehgts ihr donn auf da Bühne,
De Festen und a sege Dünne.
Mir wern´d uns olle zommreißen,
Damit Ihr uns nit könnt´s zommsch...impfen.

So mocht´s Euch im Fosching lei kan Streß,
Schmeißt´s Euch in an SCHIANEN Dress,
Setzt´s Enk eine in unsan Sool,
Mir hom viel Plotz, is nix zu schmol.
Bringt´s an Hunga und an Durscht,
Donn is da Rest da Wochen wurscht.
Enk und uns da Herrgott steh bei,
Donn gibt´s des Johr Fosching - HELEI !!!

E.K.G.
Enka Konzla Gerald - Köck/Suntinger